Sóþlíce we gesáwon hys steorran on east-daéle

BL_cotton_Nero_DIV_f27r_lindisfarne1. Eornustlice ðá se Haélend ácenned wæs on Iudeiscre Bethleem, on ðæs cyninges dagum Herodes, ðá comon ða tungol-wítegen fram east-dæle to Hierusalem,

2. And cwaédon, Hwær ys se, Iudea cyning ðe ácenned ys?
sóþlíce we gesáwon hys steorran on east-daéle, and we comon us him to ge-eadmédenne.

3. Ðá Herodes ðæt gehýrde ðá wearþ he gedréfed, and eal Hierosolim-waru mid him.

4. And ðá gegaderode Herodes ealle ealdras ðæra sacerda, and folces wríteras, and áxode, hwær Crist ácenned waére.

5. Ðá saédon hí him, On Iudeiscere Bethlem; wítodlíce ðus ys áwriten þurh ðone wítegan,

6. And ðú, Bethleem, Iudea land, wítodlíce ne eart ðú læstþ on Iuda ealdrum; of ðé forþ-gaéþ se here-toga, se ðe recþ mín folc Israhel.

7. Herodes ðá clypode on sunder-spraéce ða tungel-wítegan, and befran hí georne hwænne se steorra him æteowde.

8. And he ásende hí to Bethlem, and ðs cwæþ, Faraþ, and áxiaþ geornlíce be ðam cílde, and ðonne ge hyt gemétaþ, cýdaþ eft me, ðæt ic cume and me to him gebidde.

9. Ðá hí ðæt gebod gehýrdon, ðá férdon hí. And
sóþlíce! se steorra, ðe hí on east-daéle gesáwon, him befóran férde, oð he stód ofer, ðær ðæt cíld wæs.

10. Sóþlíce ðá, ða tungel-wítegan ðone steorran gesáwon,
[hig] fægenodon swýðe myclum gefean.

11. And ganggende into ðam húse, hí gemétton ðæt cíld mid
Marian, hys méder; and hi áþénedon hí, and hí to him gebaédon. And hí untýndon hyra gold-hordas, and him lác
brohton, ðæt wæs gold, and récela, and myrre.

The Christmas story from Matthew 2, c. 995, taken from Joseph
Bosworth, The Gothic and Anglo-Saxon Gospels in parallel columns
with the versions of Wycliffe and Tyndale
(London: John Russell
Smith, 1865), p. 6.

Posted to the Medtextl list by Jim Marchand, Dec. 20, 2004. Professor Marchand observes: “Bosworth is positive this is translated from
the Vetus Latina and not the Vulgate. Note the occasional
disambiguation, e.g. Hierosolim-waru “Jerusalemites” for
Hierusalem.”

Comments are closed.